التنورة
الله يــــــــاخذ هالعشــــــق واسراره
شـــوفوا الشــــباب اليوم عدوا سوره

احد(ن) عشــــقلة نــوف واحد(ن) ساره
واحد(ن) عشــــقلة شـــوق واحد(ن) نوره

الحــــــب ما كــــلن عـــزف اوتاره
الحب ما كلـــــــن سبـــح ف ابحوره

والكبــــتنه ماهــــي بحــــمل الشاره
الكـــــــــبتنه تبغـــــــــي ادراة كوره

تاره هــــذّا يعــــشق ويتـــرك تاره
ويحــــــــــط لاهواء العشـق دستوره

يذبل بســـــاتين الشــــرف وازهاره
ما يــــــدري ان دوره يدور بـــدوره

اليوم بفــــــلوســــه شــــــراله عاره
وبـــــــاكر على اهـــله يهد قصوره

ندري صحـــــيح ان النــــفس اماره
بس العـــــــقل نعــــمة عساه بنوره

هو حضــــــرته بيده يــشــــعل ناره
ويطفي مـــــــعاه احلام تبعت شوره

يبغي يحــــــلي صــــورته بغـــباره
لين اكتــــــسى قبحه جمال الصوره

عتم بحـــــــرفة وكلمـــــته انـــواره
وحلى كلامــــــــــــه الانسه اموره

يا الفــــاتنه ويـــن الادب واثــــــاره
وين التـــــــــحلي بالحــيا وشعوره

حطــــيتي لنفســــج مكــــان بـــدارة
ودنســــــتي ب اسمج اسم معموره

حتى الادب واجب علــــيج احضاره
ترمي العــــــــبايه وتكشفي التنوره

مـــوضه بزمن يكثر عليــــنا اعذاره
قلتي برستيـــــــــــجي لــذا معذوره

وش هالســـخافة والغــــبى واشهاره
يا شـــــــعر وقف دامــها محضوره

يــــالله تهــــدينا غــــصـــب اجواره
هذا الزمـــــــــان بحــالته المكسوره

دام العشــــق لعـــبة تخـــــرب حارة
يا ذوق مفتـــــــــاح الشعر جمهوره

قولوا مــــعاي وكـــــثروا تكــــراره
من فمــــــنا لباب السمى المستوره

يــــالله يبـــــقي هالعــــشق واسراره
ولاهل القلوب البيض يكشف نوره