موسوعة الشاعر ياسر التويجري - دروب المُحبين

همس المشاعر · منذ /01-12-2012

[ALIGN=CENTER][TABLETEXT="width:80%;background-color:gray;"][CELL="filter:;"][ALIGN=center]

مع التعدد واختلاف الديانات وضعف العروبه وانحنائة ظهرها

ومهاترات الغرب عبر القنوات ونتف الشوارب كل يوم وقهرها

قراءة فيما نزلته السموات وعرفت تاريخ الشعوب وعبرها

ولقبت نفسي شاعر المستحيلات جزل واتل الشارده مع شعرها

سلام ياللي له معي عشر وقفات وعشر وخمس وسبع والخافي ارها

وجه السعد جنب الذرا سقم الافات نبراس عاصمة السعود وهجرها

عندي وانا مانيب اعرف المراعات والناس لو تحقر وفاي احقرها

يازين مدحي فيه وجزال الابيات ياقوها قواه لو اختصرها

هلا هلا ماغردن العصيات على بيوت اهل الحجاز وشجرها

اقلط على قلبٍ ملكته مهادات احن لك من القصور وحجرها

قلبٍ ماهو يملك بكثر الريالات ولا تتبع مضحكاته واثرها

البارحه عجزت لا ارقد ولا ابات وعيوني الثنتين مالله امرها

كن الذي من فوق صدري ابانات واركت علي الزيدروس بصخرها

اشعب مسافاتٍ واجنب مسافات واشعب ذلول الفكر واكسر نحرها

وجده ماهيب ام الرخا والمسرات ولا فزعلي يوم اهوجس بحرها

فيك انت ياعبدالعزيز الاشاعات لعنت ابوها قبل اشتت زمرها

الشارع اللي فيه ناس وممرات ماهمني من أوله من أخيره
لو كان به شيخات وإلا أميرات أنا ماشوف احد سواك الأميره
بين السعوديات والأجنبيات مالله خلق لك بالوصايف خشيره
بالزين حطمتي جميع العلامات عنقاء .. غنوجه .. مستعفه .. صغيره
قدك رشف من غاية الزين رشفات لاانتي طويله حيل ولاقصيره
ياابعد من الهقوات واقرب من الذات واصدق من احساس العشير لعشيره
ياسالفة مالا بدينا وما فات وياعشق ابن شداد وابونويره
تفتحي على ضفاف البحيرات وتنقلي فيهن بحيره بحيره
كوني كذا على صدور البنيات كتمت نفس .. كوني كذا .. ياخطيره
انتي حسب ماروجته الإشاعات مخلوقةٍ لاجل يموتون غيره
أسعد مساءٍ بين كل المساءآت تعريضتك مثل المها المستذيره
ياللي عليك تحدد الأولويات مغيث مات من الجفاء يابريره
ابسألك ياام العيون الوسيعات اللي تولع فيك وش هو مصيره
تعبت وانا اطوي عليك المسافات وويلاه من بعض الدروب العسيره
خوذي هواي بصمت وآخذك بسكات وتفائلي بالصمت والصمت خيره

ياذكريات الألم لليل موعد منام إليا متى خاطرك يجبر وقلبي كسير
غنيت من جاوبت ورقاي طير الظلام طيرٍ ربى في قفص صدري وعيا يطير
حلمي تساقط ولكنه تساقط غمام لين ازهر القاع ورد احمر وغنى العبير
حبيبتي والهواء يشره وصدك ملام والعشق جمره وآهات الوله زمهرير
إليا متى والشوارع تستضيف اليتام واطيافك الفي وانتي لليتامى هجير
مابين ظلمك وظلم الناس لي بالكلام اخترت ظلمك وابصبر والصبر فيه خير
تستاهلين المسافه والصبر والغرام ومن كل شيٍ حلو تستاهلين الكثير
خذيت منك السهر خوذي جروح الهيام وإلا عطيني على الأقل قلبٍ كبير

عسى الله يجازي رغبة النفس يامنصور تسوق الأوادم في دهاليز الاسقامي
عقب كبرت الهقوات واستعسر المحظور ودمعٍ يغرق لحيتي والحشى ضامي
فلا يدب المتغطرس الواثق المغرور سوى لبتلى في حب شاردت الأدامي
ابو عسجدٍ كنه لياعرض من الحور وله حاجبٍ مقرون ودعوج وزمامي
سقى الله زمان الشمعدانين والديجور قبل لايزم السوق وتحطم ارقامي
رقيق الطباع مهذب الحسن وجه النور ثلاثين شارب يطلب رضاه قدامي
عنه طالت الايام واقفت ثلاث شهور وانا اخاف لبطي عنه عامٍ ورى عامي
عصى خافقي عذّالة الحب عقب الشور وهو في هواء المقفين ماهوب منلامي
عن العشق لاتسأل وخل الخفى مستور كفرت بهواء غيره وأعلنت إسلامي

قلت للي صوبتني في سهى الرمش الذبول ماتشوفين الاوادم ضعف يامال العما

ترسلين سهام خدراتك على كل مهبول شي يضرب بالخفوق وشي يضرب بالغما

قالت الله لايهينك لاتقول ولا اقول مارميت اذ رميت لكن الله رما

والجمتني وازعلتني والبحر عذر الزعول والبحر يظمي وانا ماهوب ناقصني ظما

كل مافيها خرافي حيل ووجان البتول الطف من الخوخ واصفا من وجينات الدما

اعتدال فقارها يثّر على بعض العقول وانحناء ردوفها ماثر على المشي إنما

احتمل عن باقي الجسم التدلي والميول كل ماميل عليه وضاق فالخبنه نما

عزتي للي تعود لابغى يرقا يطول غير هالمره بغى يرقى ولا طال السما

BRB

[/ALIGN][/CELL][/TABLETEXT][/ALIGN]