اقدم لكم ابيات لشاعر سعد بن جدلان الاكلبي ملك الوصف
والشاعر المعجزه بهذا الوقت
ودنـــــــــا بـالــــــــــطـــــيـــــــــب
ودّنا بالطيب بس الدهر جحّاد طيـب
كل ما تخلص مع الناس كنك تغشّهـا
يدك لا مدّت وفا لا اتحرى وش تجيب
وكان جاتك سالمة حب يدك وخشّهـا
وكل ما شبّيت نار المحبة مع حبيـب
قام يسحل فـي مشاهيبهـا ويرشّهـا
وكل ماقابلت لك في الزمن وجهٍ غريب
مثل ما قال المثل دام تمشـي مشّهـا
وذمةٍ ماهي بتنقال في الحق المصيب
جعل قشّاش الحطب لاسرح يقتشّهـا