{الشاعر متعب التركي...} - دروب المُحبين

#1 12-26-2010

لك بقلبي غلا واعجاب ماهو بـــزايل () لو عن الارض زال طويق والا سنــام

كن دمع العيون اللي على الخد سايل () صافي الما وهو يسقى ورود الخزام

راوي العود لاقاصر ولاهو بطـــــايل () ينعرف زولها لو هي بوسط الزحام

ضحيت بالواقع على شان الاحــــلام () وضحيت بالغالي على شان غالي

حتى الغرام اللي كسر قلبي العام () ماني بحاله كان ماهو بحـالي

ماينحسب عمر البنادم بالاعـــوام () بعض السنين نعيش فيها ليالي

متى ذكرتيني على شان تنسين () خليك مره صادقه وانصفــيني

في وقت واحد تكرهين وتحبين () انا تعبت استحملك واعذريني

حبٍ سرق من عمري ايام وسنين () مثل الهوا مايمسكنه يـديني

احلى سنين العمر راحت هدايا () لك يامجازي بالردى راعي الطيب

لي في حياتك ذكريات وخفـايا () تبقى ولو باكر غزا راسك الــشيب

ولا الوفا ماله بقلبك بقـايا () عند الذي مثلك اظن الوفا عـــيب

البسي لك ثوب غير اللي عليك () من لبس ثوب الغرور اكبر غبي

تحسبين الناس خاتم في يـديك () من متى والعاطفه تــوخذ سبي

فز لك قلبي وانا قمت احتريك () والكريم يصير لضيـــوفه صبي

علمتني وشلون اصير انعزالي () واخذت مني راحة النفس والبال

اليا نشدوك العرب وش بينك وبيني () قولي حياتي قصيده كان شاعرها

ياليت مجروح الهوى جرحه يشاف () لقول قرب من جروحك وشفها

للشاعر متعب التركي....