بسم الله الرحمن الرحيم
السلآم عليكم ورحمة الله وبركاته
ياوقت اضحك لي دخيلك خاطري مكسور
دخيلك مابقى فيني محل فيه تطعني
تعبت أداري العالم وحزني داخلي محفور
تعبت أسمع لشكواهم ولابه منهو يسمعني
صبرت وقلت بتحمل ولكن ماهو بالمقدور
أخبي دمعة طاحت على جفني تجرحني
أبي أبكي أبي أصرخ بفجر من دموعي بحور
لأن الدنيا ضاقت بي وكثر الصمت يذبحني
أبي أحكي أبي أشكي بقول اللي ببالي يدور
أبيهم كلهم يدرون وش اللي حيل محزني
لي قلب امتلآ بالجرح وصار الحزن به معمور
وصدر يشتعل نيران لهبها دوم يحرقني
وهموم ما لهآ آخر على راسي تجي بالدور
وأمل ضايع وفرَجْ صآير أناديله ويصد عني
ألا يا وقت اضحكـ لي دخيلك خاطري مكسووووور
دخيلك مامضى يكفي آلآ ياوقت ارحمني ..
ودي