دروب المُحبين | D55R ™ - قصيدة عن الرجــــــــولة

اذا الـمـراجــل لـبــســة شــمـــاغ وعــقـــال

قــــــــل لــلـــعـــذاري يــلــبــســن الــعــمــايـــم

مــاعــاد يــفــرق زول حــرمـــة ورجـــــال

دام الفـعـايـل تـشـبـه الـبـعــض دايــــم

الــمــرجــلــة مــاهـــيـــب كــلـــمـــة وتــنـــقـــال

وتـــروح مـاراحــت هـبــوب النـسـايـم

ولا خشـونـة صـــوت اورفـــع الاثـقــال

او رزة صـــــــدور وفــــعــــل الــــزلايــــم

ولاهــــي بــعــد مـفـتــاح مــوتــر وجـــــوال

والا ردى لـســانــن حـديــثــة شـتــايــم

الـمـرجـلـة شـيـمــه عــــن الـقـيــل والــقــال

رفــيـــع نـفــســن حــــــر بـــاجـــو حـــايـــم

الـمـرجــلــة عـــقـــل وزن وزنـــــــه جـــبــــال

ودون الـعـقـل وش فـرقـنـا والـبـهـايـم

يامسـنـدي لومـايـل الـوقــت بـــي مـــال

يـــاولــــد أبــــويــــه يــاعــظــيــم الــعـــزايـــم

يـامـعـرب الـجـديـن مـــن الـعــم والـخــال

يــانــخــوة الــمــفــزوع وقــــــت الــهــزايــم

المـرجـلـة يـاخــوي هــــي طــولــة الــبــال

هـي العـزم هــي الصـبـر فالظـلايـم

فــيــهـــا الــــكــــرم عــــــــزة دلــــــــه وفــنـــجـــال

فيهاالكرامه عن ردى الطبع شايم

والــديـــن لامــنـــه خـــــذا الـقــلــب مـــنـــزال

مـشـى طـريـق الـحـق وابلـيـس نـايـم

ومـن لاعـرف ربـه فـي طيـب الحـال

لابـــد وقــــت الـضـيــق بـالـهــم هــايــم

حتى صلاتك مع جماعات ورجال

فـــي خـيـرهــا يــاخــوي نــعــم الـغـنـايـم

ولامن نصف ليلـك قـم صفـي البـال

ياعـظـم اجــرك بـيـن سـاجــد وقـايــم

ولامـــن رفـــع ربـــي لـــه كـــل الاعـمــال

حسـن الذكـر لاقالـوا فـلان صـايـم

وخلك شريـف القصـد ياطيـب الفـال

ســـوء المـقـاصـد فالـبـيـوت الـهـدايــم

واحذر تبيع النفـس فـي دب الأنـذال

وتـتـبـع خـــوي ابـلـيــس راع الـنـمـايـم

الـنـفــس خــيــل لـــــك اذا كــنـــت خــيـــال

ومـــن لاقـــوى نـفـسـه قـوتــه الـهـزايـم

ولاصرت ماتـدري لـوش انـت رجـال

والله خــســـارة فــيـــك ذبـــــح الـتـمــايــم