مــــــــــسائكم شـــــــــعر
يادولتن شعارها فوق مليون
كلن على كيفه يحدد مساره
.
البارحه والصدر بالهم مشحون
دق الزناد وجاوبته الشراره
.
شاعر ولي مجلس ودوله وقانون
وفي كل دوله لي مقر وسفاره
.
معرب الجدين وابليس ملعون
راسي مركب بين طيب ونعاره
.
مانيب لحدن من هل الشعر مديون
والحر عن قولي تسده أشاره
.
احيان اكون اسواء بشر داخل الكون
واحيان اكون المنفرد بالصداره
.
اضحك اذا شفت المخاليق يبكون
وأتفل ليا شفت السعاده مراره
.
مره اكون لصاحبي بالهوى عون
ومره عليه اكون نار وحراره
.
احيان صاحي واكثر الوقت مجنون
اخذت صك المرجله عن جداره
.
في كفي اليسرى من الهم طاعون
وفي كفي اليمنى زكاه وطهاره
.
الطيب يبقى والرياجيل يفنون
وعزي لمن راحت حياته خساره
شاعر ولي مجلس ودوله وقاانوون
العرض الشجري
