اون وريــاح الليـالـي تـونِـي

اون وريــاح الليـالـي تـونِـي"
" والبرد في جوفي كما الغار خـاوي
ماكن لـي عقـل ولا قلـب كنـي "
" جذعٍ وقف في وجـه الأيـام ذاوي
وبـي عبـرة محبوسـةٍ تمتحنـي"
" وفي عيني وحلقي وصدري شكاوي
وبي من قديم الوقت جـرحٍ مكنـي"
" وبي من جديد ايام وقتـي مكـاوي
إن قلت زانت خالف الوقـت ظنـي"
" وإن قلت هانت عاجلتنـي بـلاوي
أجـامـل ايـامـي ولا جاملـنـي"
" هامت بي الدنيـا هيـام الخـلاوي
الوقـت جايـر واللّيـال اسهرنـي"
" والحزن ما بين الضلوع متـلاوي
أون وكـلٍ يحسـب انـي اغـنـي"
" عليل وكلٍ يحسـب انـي مـداوي

الأمير خالد الفيصل