كف القدر ..

الله يادنيـا المواري على وين
..................................يمشي بنا كف القـدر بالمهانه

كنا وكنا شي من غير تكوين
.................................واليـوم كل الكون غيّر كيانه

لا ذا ولا هـذا ولا ذاك به لين
.................................ويـن المعزه والـرجا والأعانه

وين الطموح اللي توثق من سنين
................................ويـن الزمـان اللي عطابه حنانه

كنا نسوق الدرب بالحلم غادين
..............................والحـين حلم الياس أسر ورهانه

الوقت قاسي والصبر فيه جانين
............................والعمر يمضي مـاجنى من زمـانه

لا الصبر فاد ولا أستفدنا بعد حين
............................ومن طـال صبره ماجزى بالأدانه

من يوم صرنا بالمطـاليب شـاقين
............................أسقـوا لنا كاس القهر و الأهـانه

حكم القوي ياطى الضعاف المساكين
..........................ولا حيـل بالمسكين وأن قـل شانه

أنطح همـوم القوم ياحـظ سكين
...........................تطعـن بجـوف المبتلـي باللعـانه

الحيل طـاح وزادوا الحمل حملين
.........................والله يجـيب الثـار سـابق أوانـه

مـاعاد لي رغبه ولا عـاد تعنين
........................دنيـا من اللـذات غدر و خيـانه

دنيـا دنت لأدنى دنيه بهـالشين
.........................حتى القريب أصبح يقصـر لسـانه

ياخـوفي الغايب تطاول به الدين
.........................والخـوف من وافي يخـون الأمانه

وأن قيـل وإلا قيل ماعاد به زين
.........................مع صغر سني صرت أحس بإهـانه

وش عـاد لا قالوا وفـا للمدانين
.........................طـال الصبر والحيل جف بمكـانه

كان الرجا مـاثبت الفقر للحين
.......................قـل للغـني ياحيف تقصر عنـانه

أثر الرجا ثـاير من اللهد والبين
........................يجـبر بـه الخـاطر ولـع بمتنـانه

وإلا الهنـا ضايع له سنين وبنين
....................ولـه رغبتن بالمـوت مـابه رزانـه

كله رعـانه مابقى فيـه تحسين
......................ولوهي على البـاقي أبرجي كنـانه

الله يادنيـا تـوارت على وين
....................من يـوم صرنـا مانجـازي الأدانـه