الله مـن عـيـنٍ طـرقـها صـواديـف

الله مـن عـيـنٍ طـرقـهـا صـواديـف
.............. عـمـيت ويـبسن الـعـروق الصخافي
شفت الوزا بالعـيـن من عرض ماشيـف
........... شفـتـه وغـيـري من فـطـن له وشافي
وقتٍ تغـيـر فيه حتى الـعـواصـيـف
.............. جا في عـواصيف الرياح أخـتـلافي
شره قـناطيـرٍ وخـيـره مقاطـيف
............. يـفـطـن له اللي يرضع الـديـد غافي
كـم واحـٍد جاله زمانه على الكيف
............... واغـتـرته نـفـسه يبا الجـود وافي
يطلع مطاليع العـلا بالسواليـف
............... بـيـن الـعـذارى عـد نـفسه سنافي
يفـرح بهـرجٍ بالقـفى يكـره الضيـف
................. قـتـات والـقـتـات بالـنـار هـافـي
يعلق قصيره علـقـة النار بالليـف
................ عـيٍ ولـد عـيٍ زنـوده ضـعـافـي
ان رخصت الحـذوه توفي عـن الحيـف
......... وان غـليت الحـذوه مشى الـلاش حافي
يرقد ويـلحـق والديـنه تـخـاليـف
................. دايـم ومـرقـد ميـت الـنـار دافـي
هو مادرى ان الجـود يـبـغى تكاليـف
.................. سهـر الليالي مـقـبـلاتٍ مـقـافي
ويـبـغى يـديـنٍ للعـطايا مغـاريـف
................... ويـبـغى رجـولٍ ماتمل الوقافي
والصبر بنحور السنيـن الشواحيـف
.................. اللي قساها مثـل حـد الـرهـافي
مايقـدرون الجـود سود الأطاريـف
.................. مشاركة بـيـض النـسا باللحافي
.
يقـدر عليه اللي حكم نجـد بالسيف
................ واودع مباغـيـض القـبايـل ولافي
عبد العزيز اللي يـبـث المصاريـف
................. يـجـدع قـناطـير الـذهب بالفيافي
يمشي على دربه جموعٍ مراديـف
................... نـوٍ تـحـدر ماه والـجـو صافي
يشدي لواقـيـط الزبـيـدي بعـد ريـف
............... مما كسى البـيـدا تــفـيـد الضعافي

"
لـ الشاعر الكبير/ بندر ابن سرور رحمه الله


"

"

"

صصصح لسسسان بندر
ولاهنت ياراااسم
ع نقل قصااايد آلمآس من قصائد بندر بن سرور
::
لاهنت يالغالي
ودي لك

ابداع بمعنى الكلمه في الالفاظ والتعبير
كلمات تناثرت بروعتها لتكون احلى جمل
يعطيك الف عافيه يالغلا ع النقل الرائع والمتميز

ابيــات رائعه جدآ

تحمل بطيآتهآ الكثير

سلمت راسم ع الذووق المميز

ماننحرم

ودي

عوافي ع هالطرح الرائع
آِحْتِرَآمِيِِ
,’

منوووورين فديتكم

يعطيك الف عاااااافيه

ع الطرح الرائع

سَلِمَتْ يدآك على رَوْعَة الطَّرْحْ
وَسَلِمَ لنآ ذوقك الراقي عَلَى جَمَآلِ الاختيار ..
لَگ ولحضُورِكْ الجميل كُلَّ الشُّكْرِ والتقدير ..
اسأل البآري لك سعآدة دائمة ..
وِدِّي وتقْدِيري لِ سٌمُوكْ