,,؛؛

ارجوك مابي منك تبرير واعذار
كل اللي بيني وبينك نهيته

ما عاد لك في خافقي اليوم مقدار

خلاص حبك من حياتي محيته

لاتعتذر يكفي ترى منك ما صار

يكفيني اللي منك جاني ورأيته

ولدت بي جمرةً وشبيتها نار
واشقيت روحي والهوى ما رعيته

ماكنت أظنك خاينٍ الود غدار
تلعب على قلبي عقب ما خذيته

من فضل ربي يا غشيماً بالأقدار
بانت حقيقة وجهك اللي أخفيته

وش شفت أنا من عشرتك غير الأضرار
يا صاحبي طعم السعاده نسيته

اوفيت انا بعهدي معك ليل ونهار
وانت للأسف عهدك معي ما وفيته

لاجل المحبه كم تحديت الاخطار
وليل المهالك لاجل عينك سريته

شيدت لك ياصاحبي في الحشى دار
لكن حسافة انهدم ما بنيته

ما عاد تجمعنا سواليف وأسرار
حبٍ يذل النفس لا .. ما بغيته

ما فات خله بيننا يكون تذكار
إنسى وبأنسى دربك اللي مشيته

؛؛,,