قلبي اللي كنه في داخله يلهب سعير
سبة اللي حط وسطه سهومٍ موجعه

فتنةٍ منها خطورة وانا منها خطير
ومن سلهم قدم عينه خطيرٍ تصرعه

نابي الردفين ماهو طويل ولا قصير
اخذ من الطول واخذ من القصر افرعه

والشعر ضافي على الردف والملمس حرير
والشفايف مثل جمر الغضى مولعه

سكره من راسه لاصبع الرجل الصغير
الحلا كاسيه من شعر راسه لين اصبعه

بري حالي لاتمايل يخليني نثير
والوريد من المحاني خطيرٍ يقطعه

رحمتك من حبي لقربه كما طفلٍ غرير
يتلي امه باغي له حليبٍ يرضعه

عاذليني ماسمعك فيها ولو عذلك كثير
ان سمعت الرد والا عسى ماتسمعه

/

" سُبحانك لا إله إلا أنت أني كُنت من الظالمين "