(( لبيه)) لو أن مالي فـي حياتـك نصيـب
بقولهـا .. وانـت وص سنينـك وقلّهـا :

أنّي أحاول معك أقرب مـن أقـرب قريـب
وأبعـد مـن أبعـد بعيـد ٍ للبشـر كلهـا

حاولت لكنّهـا قامـت تصيـب .. وتخيـب
أمسي على .. ليتها وأصبح على .. علهـا

((من يوم صارت أحاسيسك .. تحضر وتغيب
وأنا أحسـب أنّـي محاصرهـا ومحتلهـا))

لاتدّعـي بالرومنسيّـه وبأنّـك حبيـب ..
.. روحي وأنا أغلى حبيب لروحـك وخلّهـا

نيتـك متبيّنـه .. لـو أن صمتـك رهيـب
قريتهـا فـي عيـون ٍ دمـعـك يبلّـهـا

مشاعرك ليه تجبرهـا لشـي ٍ ماهيـب ..
.. تبغـاه وتحدهـا لـدلٍ مـهـو دلـهـا

ودّعني وعطني الفرقا .. ((وربّي حسيـب))
واللي بقى لك من الذكـرى معـك .. تلهـا

جاتك من الله توّكـل وأنـت مالـك طليـب
ما أحلى من الحاجه إليا جت علـى حلهـا

أرحل وأنا صدري .. الكون الفسيح الرحيب
لو أن روحـي علـى لامـاك ((ياملهـا))

ماعاد باقي سـوا دمعـة حبيـب لحبيـب
إليـا ذكـر هلهـا .. وإليـا سـلا هلهـا
...............


/

مماراَق لي ولامس أحساسـي ..

</b></i>